Weblog oud prins Niels I

GE-WEL-DIG

Leef Luuj,

Wo mot veer beginne?!

Veer höbbe ontzettend genote van aafgelaupe weekend!
Bie deze wil veer dan auch ederein ontzettend bedanke veur de leuke reakties, de felicitaties, de toegesjtuurde kaarte en neet te vergeete ’t geweldige fiés!

Veer waore onwies zenuwechtig wie veer achter de bühne sjtinge te wachte um teveursjien te komme.
De reakties in d’r zaal bie ut oetrope zint onbesjriefelijk!
Veer hauwe nwats gedach dat d’r zaal zoe op de kop zouw sjtoan! GEWELDIG!

Tevens wille veer ut jeugprinsepaar van harte felicitere mit hun oetreuping en ein fantastisch seizoen toewunsje!

Kommend weekend höbbe veer os eige receptie op de planning sjtoan.
Zondag 10 jannewari zeet geer allemoal van harte welkom vanaaf 14:11 oer!

Veer hauwe os ginne baetere sjtart van de karnaval kinne wunsje es aafgelaupe weekend!
Es dit nog mer ut begin is, dan kriege veer ontzettend veul zin in de kommende waeke!

Leef luuj, nogmaals super bedank en tot zondig!

Alaaf!

Prins Niels l en prinses Femke

Nog twié daag!

Leef carnavaliste,

Nog twiè daag en dan is ’t zoa wiet! Mien zenuwe beginne langzaam mer zeker op te laupe! Ich kin noe ech neet miè wachte um teveursjien te komme!

Luuj, wèt deer al get?

Ich weit in eker geval zeker dat ’t ein TOP carnavalsseizoen geit weure!

Tot zaoterdig!

D’r nuuje prins heat gesjpraoke!

Leef Karnavaliste,
Effe eine korte update van d’r nuuje heerser van ’t Waterratteriek.
’t Begós allemaal ein paar maonde gelede. Ich woar hel aan ’t wirreke toen plotseling d’r tillefoon ging. ’t Woar eine vertegenwoordiger van de prinsenkeuzecommissie.

D’r woord mich gevroag of ich interesse haw um lid te waere van CV De Waterratte oet Sjin. En wie ich ’t zou vinge um mèt eine sjoeane ”sjteek’’ op te laupe ……. en dan ’t leefs mèt 3 van die lang vaere…..

In ièrsjte instantie woar ich sjtómverbaas en klapte ik gans toe. Ich wis neet good wie ich mós reagere.

Ich höb de PKC loate wejte dat ich nog effe tied nuèdig haw um dees vroag te loate bezinke.

Mèh al sjnel wis ich dat dit woar wat ich altied al wilde: Prins waere van CV De Waterratte oet Sjin op Geul.

Ik höb d’r ein nechsjke euver gesloape en de PKC loate wejte dat ik zónger twiefel op hun aanbod in wilde goan.
Doanoa ging ’t hièl erg sjnel. Binne twiè waeke woare de ièrsjte gesjprekke al een feit en auch mien prachtige prinsenpak woar binne eine mum van tied gereigeld.
Inmiddels is alles zo wied klaor en rolle de foto’s al oet d’r printer!
De daag versjtrieke sjnel en veur mich geit ‘tt binne eine moand dan auch ech beginne! Ik kin neet wachte um teveursjien te kòme en d’r eine prachtige vastelaovend van te make!
Tot 2 januari!
Alaaf!

Facebook

Kalender