Prins Olaf I is d'r zoon van Pierre en Regina Keijdener-Philippi en woont baove op d'r Baanberg, ônger d'r zjwaam van d'r Sjtaumtrein. Dao woont auch ziene broor Ronald.
D'r Pap is eigelik van Opsjuèmer en de mam oet de Grach, ze zunt mer urges hauverwaegs goon wone.
Prinses Gorgi is de dochter van Dan en Ellen Bekkers-Souren en woont same mit häöre broor Mika en zuster Elke in de Tolhoessjtraot.

De hobby's van Prins Olaf zunt:
- Voetballe! Bie de D1 van de Sjtröchter Boys.
- Sjieke tractors, wie groater wie sjieker

Prinses Gorgi haet auch e paar hobby's:
- Juus es d'r Prins voetballe bie de D1 van Sjtröch
- Gitaar sjpele
- Lache mit vrundinnen.

De Pap en de Mam van Prins Olaf zunt richtige Sjinse luuj, ze wone hun ganse laeve lank al in Sjin.

Mit de auwesj van de Prinses ziet dat gans agesj. Die wone waal al lang in Sjin, meh d'r Pap dae kalt d'r ganse daag Koelhollensj en kump toch neet va Gebrook of daar herom.

De Mam kump van de Hut, dat is de hoofsjtad van Ingber en dao höbbe ze las van ijl lóch... D'r auto van de mam is auch ein Ka...

D'r Pap van Prins Olaf wirk neet bie de gemeinte, same mit noch e paar jónges van Sjin die häöm dao bie hellepe.

D'r Pap van de Prinses Gorgi lièt e graafmesjien veur zich wirreke. Zelf haet hae dao neet zoa'ne zin in.

8 januari 2012

Veer Prins Olaf d'r driejde.
Graaf va Sjin, Hertog va Awt-Vallekeberg, Sjtröch, Kuiteberg.Vors va Sjuèmer. Opper-watterretje veur d'r doer va dit regeringsjaor, make, biegesjtange door mien Prinses Gorgi en oze Wieze Raod de noe kómmende elf reigele bekint.
Ten 1e: Dat veer uch allemaol drie daag lank maoge treffe hie in ozze Narretempel "'t Geboew"

Ten 2e: Dat eederein van Sjin en umstreeke is oetgenudigd veur ozze receptie op vriedig 13 januari.

Ten 3e: Dat 't Chantal en 't Jolanda eine sjieke wage veur os hubbe oetgezoch.

Ten 4e: Dat miene hamster Louis en de kat Jos effekes zonder mich motte.

Ten 5e: Dat ich morrige wakker weerd en dat mien auwersj mien baumhut road geel en gruun hubbe geverf.

Ten 6e: Dat mien pap en mam weer mit eine sjieke groep in der optoch mitloape.

Ten 7e: Dat miene pap dee veurig joar es eine van de toppers rondleep zich dit joar weer es topper deid verkleije mehr noe auch deid optreeje.

Ten 8e: Dat mien pap en mam zoe trots op mich zunt dat ich ein nuuj gitaar krieg.

Ten 9e: Dat alle jonges en maedjes van het illeftal mit loape in der optoch.

Ten 10e:Dat de Club nog hièl erg lang leuke dinger veur ós kinger blief organizere, en dat ich nog heil erg lang mit op kamp kin!

Ten 11e:Tot sjlot wil ich mien auwersj, de auwersj van mien Prinses en Chantal en Jolanda van de Waterretjes bedanke dat zie ós höbbe oetgekoaze es nuuj Jeugdprinsenpaar va 2012.

Gegaeve in Sjin op Zondig 8 jannwarie 2012. Prins Olaf d'r driejde, biegesjtange door Prinses Gorgi en der Wieze Road.

*de dieke léttere hat Prinses Gorgi oetgesjpraoke, de anger reigele Prins Olaf

ALAAF!!!!!!!!!