Sjin, bedank!

Geplaatst op woensdag 4 december 2013.

Eindelijk! ’t Carnavalssezoen begint wir en de äöpening sjteit veur de deur.
Ièsj smiddigs nao de resepsie van de Winkbülle in Haelder, die besjtunt 6 x 11 jaor. Dao zunt veer al good in de sjtumming gekómme veur ós eige äöpening op de Geulbrök.
Dao kaome de opa’s wir de Geul aafgedobbere, gelökkig hauwe ze de Rat bie zich. Die Rat höbbe veer oet de Geul gevösjt en ónger ’t hijse van de carnavalsvlag höbbe veer ’t Limburgs volksleed gezónge.
Aansjletend gónge veer truugk nao ós eige café wo veer eine super gezellige aovend höbbe gehad mit es aafsjleting e optraeje van d’r Frans Croonenberg.

’t Weekend daonao gónge veer tradisjoneel nao de Kachelpiepers in Heugem. ’t Waor es vanouds eine gezellige aovend mit veur ’t es hoagtepunt dat d’r prezident op de knijje góng en zien Linda vroog um mit hem te trouwe.
En noe mer aafwachte wieniè die twiè dat fiès höbbe.
Op d’r zóndig gónge veer nao de resepsie van de Rieste oet Mergraote en wie kint ’t auch angesj: ’t waor wir gezellig.

Zoa leef luuj, dit waor mien létste poost in mien weblog. Ich wil jekerein bedanke dae hat gezörg dat ’t Roos en ich e super gezellig en gesjlaag sezoeon höbbe gehad.
Noe make veer plaatsj veur d’r nuuje Prins en dae wunsje veer juus zoa leuk sezoen toe es wie veer dat gehad höbbe.
Prins Henk 1 alaaf
Waterratte alaaf
Sjin alaaf