Wat ein ontlading!
Geplaatst op maandag 8 januari 2018.Leef luuj van Sjin en umsjtreke,
Wat zoote de zenuwe hoag de aafgelaupe waeke. Al dae sjtress en sjpanning vool metein van ós aaf toen veer zaoterdigaovend durch de deur sjprónge en het eindelik mochte zégke: veer zunt ’t nuuj prinsepaar va Sjin! Eine druim dae oetkump en eine aovend um noats miè te vergaete. Zoaväöl dinger zunt op ós aafgekomme op dae aovend dat veer ze neet in e paar zinne kinne besjrieve. Van de ontélbare kière polonaise tot het knoerhel hel mit zinge op de klanke van d’r muziek. Veer höbbe ontzettend hel genaoten en wille jekerein dan auch hartelik bedanke veur de kóms nao ’t Geboew!
In datzelfde Geboew sjting ós eine daag later nog ein verrassjing te wachte: Wae zou toch samen mit ós gaon regere euver het Waterretjesriek? Al e paar waeke hauwe veer waal get vermoedes, meh toen Prinses Sanne I en Minister Fleur durch de deuk sjprónge wiste auch veer effekes neet wat v’r moste zégke! Twiè maedjes aan de mach bie de JCV de Waterretjes Sjin, super ruig!! Es Prins bin ich d’r nog ummer ein bietje sjtil van: ich maog de ganse carnaval mit drie vrouluuj veurop in de polonaise, wie sjiek is dat!!
’t Deit ós good um te zeen dat ’t Geboew het aafgelaupe wiekend sjtampe vol waor en dat de Sjinse vastelaovend nog ummer op heng en veut gedrage weurd.
Es ‘t ièsjste wiekend es Prins en Prinses ein veurbode is veur de res van ‘t sezoen dan zunt veer op essjelegoonsdig waarsjienlik gans oetgetéld! Meh dao gunt veer auch veur, want same mit Prinses Sanne en Minister Fleur gunt veer d’r eine geweldige tied van maken.
Veer höbbe d’r zin in! Deer auch?
Prins Ralph I en Prinses Ivana
Ps. De sjieke foto’s op Facebook (en hieboave) zunt gemak door Roel en Nancy. Doot uch zelf ein plezeer en like de pagina van Vastelaovend in Valkeberg of bekiek hun website, dan blief se gans op de huègte!
CV de Waterratte
Leef luuj van Sjin en umsjtreke, Wat zoote de zenuwe hoag de aafgelaupe waeke. Al dae sjtress en sjpanning vool metein van ós aaf toen veer zaoterdigaovend durch de deur sjprónge en het eindelik…
