Datum: 08-03-2010
Sjtart ziekenbezoek

Goonsdigmiddig 10 fibberwarie zunt v'r begós mit 't ziekebezeuk. Huuj höbbe veer de luuj bezóch die vreuger in Sjin gewoond höbbe meh noe boete 't Waterratteriek wone. Dit is ein sjoan tradisie veyr de luuj wo v'r op bezeuk gunt meh auch veur ós es Prinsepaar.
't Is veur 't ièsj dat luuj auch al op goonsdig bezöch waere. Normaliter gebeurde dit allein op d'r donderdig en d'r vriedig.

Op donderdig 11 fibberwarie höbbe veer sjmörges 't zeukebezeuk veurtgezat.
Rond de middig höbbe veer 't Graefke bezóg wo mien sjoanmam häöre 60e verjaordaag vierde. Nao e glaas sjampanje (of twiè) en eine duchtige lunch zunt veer daonao nao de kinger van de basissjoal gegange die 't Geboeuw hunnen carnavalsmiddig aan 't viere waore.
Hosse en sjpringe! Daonao höbbe veer 't ziekebezeuk wir hervat.

Saoves höbbe veer jaomer genóg allein mer d'r wage van de Sjin Vikings kinne bezeuke. De anger groepe hauwe aafgezag umdat ze al vreug . Dus höbbe veer bie de Vikings e pilske miè gedrónke.

Vriedig 12 fibberwarie waore veer sjmörges oetgenuèdigd um gezamelik te ontbijte in 't Gemeintehoes. Dit ontbijt woord durch 't gemeintebesjtuur aangebaoje aan de Blauw Sjuut. Alle carnavalsvereiniginge van de gemeinte Vallekeberg waore dao, auch JCV de Waterretjes va Club 77.
't Waor sjiek dat veer de ièr hauwe um de sezoensorde van de Blauw Sjuut te kriege. Nao dit sjmakelik en gezellig ontbijt zunt veer nao d'r Peutersjpeelzaal in ós Waterratteriek gegange. Same mit jeugprins Nick I en jeugprinses Noah höbbe veer maoge danse en sjpringe. Polonaises kóste hiebie natuurlik neet ontbraeke. Jonk gelièrd is oud gedaon!.
Aansjletend zunt v'r nog get kranke Waterratte gaon bezeuke.

Saoves zunt veer nao d'r fièsavond van Holland Casino gegange. 't Waor e duchtig fiès, veural mit oos Sjinse Oud Prinse mit d'r Zoepkoelpolka (ginneraal rippetiesje). Auch mit Jan Kanarie höbbe veer d'r vogel aafgesjaote.

Alaaf,

Prins Martijn I en Prinses Andrea