Op zaoterdig 7 januari kaome OPA Martijn, OPA Hein en OPA Wim mich um
13.00 oer haole um e oetsjtepke te make nao Vallekeberg, um miene lètste
daag es Prins van Sjin oet te loewe, wat dae daag sjting te gebeure waor ein verrassjing veur mich.
In Vallekeberg aangekómme lepe veer nao Café 't Pumpke bie d’r
Daelemmerwaeg, dao ging ‘t röstig aan, woort al sjnel beer besjtèld um in de sjtumming te kómme, d’r waore nog get manne die móste bie komme van d’r daag dao veur en woort effe euvergegange op koffie, sjpa blauw enz.
Dat doerde neet lang of ‘t gaesjtenaat vloog alweer euver d'r toog heen, ich kreeg op ins e telefoontje, ‘t waor OPA Jo dae mich e hart onger d’r reem sjtook en wunsjde mich eine geweldige middig en aovend toe, ich bedankde d’r Jo auch nog eine kièr veur alles watste veur mich en Monique gedaon haus, sjiek Jo datste beldes!!!!
Nao de nuèdige versjnaperinge ginge veer wiejer en belande bie Café Nurgus,
dao kreeg OPA Hein telefoon van OPA Marcel wo veer waore en sjloot zich
auch bie ós aan, ‘t beer vloejde auch riekelik in dizze café en begós ummer
gezelliger te waere.
Van dao oet zint veer nao Café 't Heukske getrokke, tja luuj wat zich dao
aafsjpeelde es mit gein pen te besjrieve, neet allein ‘t gaesjtenaat vloejde heftig meh auch begóste de manne mich Jaegermeister te vore, ‘t woort nog ummer sjieker en gezelliger.
Op ins sjtóng dao ós eige Inter Nos mich toe te zinge en es dat nog neet
genóg waor kaom auch André Rieu op mien aafsjeidsfuif en zong mich geweldig
toe, OPA Marcel haet alles op film vasgelag veur mien kleinkinger enz.
Zao wie d'r wèt sjting auch op dizze daag ‘t aafsjeid van Prins Léon en
Minister Hans van de Mirlitophile op ‘t program, in de Graotesjtraot waore
de veurbereidingen al in volle gang, ‘t podium woord opgeboewt en ich zag
taege de manne ‘ich traej hiej in ‘t Bokkeriek aaf’, hilariteit ten top. Wie ich dat gezag hauw ging OPA Marcel aan d'r sjlaag, d'r woort driftig heen en weer gebeld mit Prins Léon en tot mien groate verbazing kaom Prins Léon en Minister Hans same mit Prezident Joep de Graotesjtraot in gelaupe um same op ‘t podium te sjtaon in ‘t Bokkeriek.
Foto's woorte gemak, en auch filmkes van wie veer dao op ‘t podium mit zien
drieje sjtinge, d'r woort nog get gekald ónger ós, en zagte taege ein ‘veer
zeen ós dalik nog waal bie Brasserie America’.
Toen opwaeg nao ós eindstation Brasserie America, meh in d’r tössjetied nog
effe in de Arresjleij mit ós alle, bie Lunchroem Botterweck dat waor auch
geweldig en weer woorte de lachsjpiere getest, filmpkes en foto's woorte
wir gemak.
Einmaol aangekómme in d’r Prinsetempel van Prins Léon, sjalde de Waterratte
songs oet de boxe en polonaisses woorte aanein gereeg same mit de manne van
CS de Mirlitophile, alles leep durchein heen, dit waor geweldig um te zeen.
Effe oetlègke worum de Mirlitopile auch dao waore, Prins Léon en Minister
Hans en d’r Raod van Elf hauwe dao hun aafsjeidsdiner um ‘t jaor
aafte sjlete, dat zoog indrökwekkend oet.
Veer zóchte ein vriesjtaond täöfelke op en zatte ós mit ós vieve neer, aan
taofel zoot auch Oud Prins Leo van de Mirlitophile, eine man van bienao
tachtig jaor, de verhaole vloge euver de taofel heen en ich loesterde
aandachtig, want nao zoa ein luuj kintste allein mer mit gesjpanne oare
loestere, mit al hun zien ervaringen.
Leo vroog wie oze scepter van kort bie oetzoog en ich goof häöm d’r scepter
in de heng, de complimente woorte gemak euver oze Waterratte Scepter,
Marcel makde dao auch ein sjieke foto van.
‘t Aete woord besjtèld, Marcel en ich hauwe ós ein Prinselik Leeuwbeer Potje gepak, dat sjmakde hièl good, Martijn en Hein hauwe zich Saté besjtèld, dat ging bie Martijn neet ganz good, opins eine nondesju en d’r saté loog bie Martijn op d’r sjoat, veer kaome neet miè bie van ‘t lache, Martijn sjnelde gauw nao de WC um alles weer in orde te kriege en dat waor auch e bietje gelök.
Wim hauw zich ein lekker veurgerech gepak umdat haé nog anger verplichtinge
hauw en dan kós Wim neet mit eine volle maag doa versjiene, alles woord
opgegaete zoa lekker waor ‘t, complimente aan Jos en Marianne bedank
hieveur.
CS de Mirlitophile ginge langzaam nao boete, Prins Léon en Minister Hans
nome aafsjied van mich en de angere manne, ich sjtook hun ein hart onger d’r reem en zie mich, langzaam woort ‘t veur mich auch tied um te vertrèkke oet ‘t Bokkeriek, d’r taxi waor al gearriveerd en veer sjtapde in, voorte nao Sjin wo Monique in de Hanewei insjtapde en koers gezat woort richting
Ingwaege, wo de manne ós veur d’r lètste kièr sjtonge op te wachte in Viva
La Vink.
Prezident Dave kondigde veur d’r lètste kiér ein polonaise veur ós aan en die woord heftig mitgelaupe durch ederein, toen kaom ‘t moment dat ‘t ech
gedaon waor.
D’r Dave reep ós ‘t podium op, same mit OPA Martijn, tot mien
groate verbazing es achtergrond muziek d’r Elvis mit Are You Lonesome
Tonight, toen hauw ich ‘t effe moejlik, want dat is ein geweldig geveulig
nummer, sjiek oetgekaoze.
OPA Martijn naom mich de Sjteek aaf, de Prinsekètting en es lètste d’r
Scepter, teike van macht aaf, dao sjteiste dan weer gewoon es Jan Bartelli,
sjuus wie ein jaor gelijje.
Toen volgde de ontgreuning um bie d’r Raod van Elf te gaon, same mit Roy
Bemelmans en Phil van Oers die zich hauwe opgegaeve es nuuj Raod lede, sjiek manne hoofde ich neet allein dao te ziete op d’r mergelblok.
Wo ich ein gans jaor taege op hauw gezeen gebeurde, ièsj e Èlske drinke
um eine baom te kriege, toen ein botterham mit sjtinkkiès aete, ich mot zègke dat sjmakde good, es lètste eine hauve liter beer, dat ging minder
gemekkelik, umdat ste al zoa väöl gedrónke hauws sjmiddigs, meh ich hoof
mich d’r durchheen. Ièsj kreeg ich de OPA medaille umgehange durch OPA
Martijn toen de Raod van Elfketting mit naamplaetje en es lètste d’r Raod Sjteek, same mit de angere manne waore veer noe volwaardig Raod van Elf lede.
Nao ein pauze van ein hauf oer begós de diaserie, vanaaf noe maog stig
wiejer vertèlle, Prins Frank.
Veer wunsje ‘t Prinsepaar Prins Frank 1ste en Prinses Sandra hièl väöl
succes, plezeer en sjpas toe in hun regeerperiode.
Monique en ich wille de Prinse Keuze Commissie Huub, Dave, Ad en Wiel hièl
hartelik danke dat veer dit höbbe maoge mitmake.
Veur de res wille veer ederein bedanke die allemaol betrokke waore bie ós
Prinsesjap, bang dat ich emes zal vergaete, EEDEREIN BEDANK!!!!!
ALAAAAAAAAAAAAAAAAAAAAAAAFFFFFFFFFFFF
