Leef luuj van Sjin, Sjtröch en umsjtreke,

Drie weake bin ich noe prins en sjtao ich nog eder daag mit ‘nne lach ’t sjmurriges op. Wat blief ich ’t toch geweldig vinge. Auch afgeloape wiekend waor weer sjoan, op nao de resepsie van De Hèvers in Norbik, Prins Noël I en zien prinses Tessa I nogmaals hartsjtikke proficiat.  D’r daag d’rnao op nao ’t Winkbülleriek mit hunne Sjtadsprins Pascal I in ’t Sjunk geboew. Wat een receptie woar dat, ich dach dat ich un lang receptie heij mèr bij de Winkbülle kinne ze d’r auch get van. Hauf 9 moste veer volges programma aanwezig zeen, mer leef luuj de klok sjloog hauf 11 toen kos veer pas nao Prins Pascal I. Neet dat, dat erg waor want onder de klanke van Herriemenie Miserabel is sjtil sjtoan onmögelik.

Toen woard ’t zondigs nieks te doan mit de Waterratte, neet dat veer nurgus heen koste. Mèr dit waor bewus vrie gehauwe door mich. Neave dat ich ’t prinssjap natuurlik geweldig ving, woar vurrig joar ’t moment dat miene pap “’t Jupke” ziene lètste aom oetbloos. Ein bewoage jaor mit in mien geval sjoane en minder sjoane momente. En ondanks dat ich alles ’n plaatsj höb kinne geave, is ’t natuurlik onzettend jaomer dat miene pap hié neet mié bie kint zeen. Ein dink weit ich zeker, hea zauw ontzettend greutsj zeen op mich. Af en toe zauw’ste gear de wiezers vas plekke of zelf truuk kinne driéne.

Mèr euver de wiezers vas plekke gesjpraoke. Kommende vriedig en zaoterdich is ’t dan zoa wiét dan sjtoan ich in de hauf-finale van ’t LVK. En noe heur ich uch al dinke wach ffkes dea naam höb ich toch neet op de lies zeen sjtoan. Maak uch mèr gein zörge ich goan neet zinge mèr woar dao ‘m mien vrung Andy & Roy te ondersjtunne mit hun nummer “Plek de wiezers vas”. Ich wil uch natuurlik nieks oplikke mèr es geer toch wilt sjtumme, sjtum dan kommende vriedig of zaterdig op nummer 52. Kiek vuur mié infomatie op https://l1.nl/derde-halve-finale-lvk-op-l1-147075/

Trouwens de foto hié boave dizze column is oet 1985 en zoot ich es bokseboam bie pap op sjoat mit de vastelaovend.

Prins Roel I