Op eine aovend in april laup ich door ’t dorp, koom ich eemes van de CV taege. Hae hilt mich taege en zaet: doe wets toch dat ich van de Prinsekeuzecommissie bin? En hae vroag of ich Prins wil waere! Ich hob nog gein minuut nuedig um joa te zegke op dees vroag. Ich haw noeats gedach dat mich dat zou euverkomme en dat dit zoa ein intens bliej geveul zou gaeve. Vervolges komme de iesjte aafsjproake, sjtiekem ’t dorp oet en mer haupe datste gein bekinde taege kums! Dan op zeuk noa ’t Prinsepak, alles oetgezoch, dan passe. En alles in ’t geheim, en mer haupe dat geine dich zuut.
Ich hob noe al 7 moand plezeer d’r van en ’t echte fies mot nog beginne. Wat mot dat waal neet waere es de Carnaval ech los barsj! Noe nog 2 moande wachte, meh dat geit auch waal sjnel veurbie haup ich, went ’t begint toch waal langzaamaan te kriebele. Ich waer jubileum Prins van CV de Waterratte! Alaaf op ein geweldig jubileumjoar 2013!