Veer krege ’t dreuvig nuujts dat ózze Oud Prins Huub I ós op 80 jäörige laeftied haet verlaote.

Oud Prins Huub regeerde in ’t vastelaovesjaor 1986 euver ’t Waterratteriek, e jaor dat in oos herinnering ’t allerkoudste sezoen saer jaore waor en is. Meh mit Prins Huub mit zien werm oetsjtraoling aan ’t reur woorte veer neet väöl gewaar van die kou.

Huub waor jaorelank eine kartrèkker binne oos vereiniging. Hae zoot neet allein vol mit ideeje meh hae veurde ze ouch oet en zörgde veur ’t nuèdige materiaal. Mit name zat hae zien sjouwers ónger de toen nog op te richte OPA’s (Oud Prinse Asosjasie). De OPA’s zunt nog ummer aktief en zulle indachtig d’r Huub door gaon mit hun aktiviteite.

Hae waor eine richtige vereinigingsman, neet allein bie CV de Waterratte waor hae e gewaardeerd en aktief lid. Wie zien gezóndheid te wunsje euver leet góng hae get op d’r achtergrond bie de vereiniging meh zien belangsjtèlling bleef.

Huub, rös zach. Bedank veur alles!