Vriedig 11 jannewarie
Nao de resepsie in Naorbeek koame veer truugk in ’t Geboew, mit 200 dames. Dat waor bes apart. Prinses Roos waor al dao, die waor op toernee mit de Sjinse Oud Prinse. Dat waor hiel erg leuk, good gedaon dames va Club 77

Zaoterdig 12 jannewarie
Ièsj gónge veer nao de resepsies i Houthem en Vallekeberg en toen truugk nao ’t Carnabal va de Sjtöchter Boys, dat waor super gezellig mit eine gówwe Big Benny dae insjpeelde op de jeug. Meh topper van dae aovond waor Frans Souren, “wat een spreker is die man” De organisasie van dit fiès waor ouch super!

Zóndig 13 jannewarie
Va de resepsie van de Breuzelere i Mechelen gónge veer truugk nao Sjin nao de jeugzitting. In ein sjieke zitting kaom e hièl leuk jeugprinsepaar teveursjien: Prins Chris en Prinses Esther. ’t Is erg leuk um met de jeug polonaises te laupe en carnaval te viere.
Cómplimente veur de organisasie va Club 77

Alaaf , Prins Henk 1