Zaoterdig 2 november 2013

Nao e hauf jaor rös begint ’t weer te kriebele, ‘t 5^e Buutetreffe sjtóng veur de deur.

’t Is waor effe wènne um ‘t prinsepak weer aan te höbbe, gelökkig mit genóg ruumte zoadat ich d’r boek neet hoofde in te houte.

Mit väöl zin gónge veer nao ’t Buutetreffe en wiste eigelik neet wat veer dao van móste verwachte.

Meh: wat waor dát gezellig. Eine super aovend mit geweldige artieste. D’r boek waor op ’t letste e sjtök kleiner van ’t sjöddele van d’r lach. Auch prinses Roos zoot gereigeld mit de traone in de auge, veer höbbe same eine top-aovend belaef.

Noe kieke veer oet nao de äöpening van ’t sezoen op d’r 16^e november en auch dao kump eine leuke artiest. Auch dat weurd eine top-aovend.

Effe e belke opgoesje: “ Leef luuj, wèt deer al get…?”

Ins kieke of veer d’r nuuje Prins al e bietje nerveus kinne make….

 

Alaaf

Prins Henk 1