Leef Luuj…

Ich höb de meugelikheid gekrege um ‘ne twiède weblog te sjrieve en dat doon ich gaer.

Laot mich beginne mit te zègke dat ich ’t geweldig ving wat zich op dit moment allemaol aafsjpeelt in mie laeve.

’t Is namelik neet zoa dat esse dich vraoge um prins te waere daste da lekker ongeroet kins gaon ziete tot begin jannewarie.

Nae, dao is al vanalles gereigeld en gebeurd in d’r tössjetied. Zoa is ’t pak, d’r sjteek en de prinse-orde oetgezocht, gepas en daonao opgehaold.

Zelfs de foto is pas gelijje al gemak. Same mit d’r Huub en d’r Ad (d’r Dave waor helaas neet d’r bie umdat hae aan ‘t opknappe is van ’n operasie. Gelökking geit ’t alweer nao wunsj mit’m.) bin ich nao d’r fotograaf gewaes.

Dat waor ech sjiek, noe koste de manne en ich veur d’r ièsjte kièr zeen wie ’t gehièl d’r oet kumpt te zeen.

Ich bin d’r in jeker geval gruètsj op wie ’t plaetje gewore is.

Nao ’t make van de foto zunt veer nog gezellig nao ‘ne café gegange. Dao zunt get pinte gedrónke en de puntjes op de I gezat en toen natuurlik nog get mie pinte gedrónke.

Leef Waterratte, ich gaon in jeker geval mien bes doon um d’r e geweldig carnavalssezoen van te make.

Tot sjlot en zeker neet onbelangriek wil ich Prins Jan II en Prinses Monique hartelik danke veur de sjoan weurd in hunne weblog en veur de leuke kaart mit sjoan weurd die zie aan mich richde. En natuurlik auch bedank veur d’r ièsjte veurraod confetti…

Watterratte en belangjtèllenden, ich haup uch allemaol te zeen op 7 jannewarie, d’r daag dat ich mich aan uch maog veurstjtèlle es nuuje heersjer va Sjin.

Alaaf aan uch allenej