Vriedig 18 jannewarie
Op dae vriedigaovend waor de resepsie van ’t Jeugprinsepaar. Van dao oet gónge veer direk wiejer nao de resepsie van d’r Prins van d’r Vooseschtoets in Ièpe.
Daonao zunt veer sjnel wir truug gegange nao oos Jeugprinsepaar in ’t Geboew, semmelig get polonaisemeters gemakt.

Zaoterdig 19 jannewarie
Sjmiddigs höbbe veer opnames gemak veur TV Vallekeberg in de Cascade i Vilt
Saoves waor de Prinseresepsie bie de Spoetnikkers va Berg . Van dao oet zunt veer nog nao oos vrung van de Baagratte in Nieswieler gegange en höbbe dao mennig gezellig uurke doorgebrach.
Um ’t aaf te lière zunt veer nog effe gaon aafbiere in ’t Graefke.

Zóndig 20 jannewarie
Um elf oer gónge veer al nao d’r Schelmetaore van de Blauw Sjuut veur de drièbookbesjpraeking veur es zie ós bezeuke op d’r 5e fibberwarie. ’t Is hièl sjpesiaal um hieveur oetgenuèdigd te waere, ’t is mer good dat ich jubileumprins bin.
Um ein oer zunt veer truugk nao Sjin gegange um op tied e zeen veur ’t carnavalskonzaer van oos fanfaar. Dit konzaer waor hièl verrassjend en gezellig, geweldig leuk.
Sjapoo fanfaar.

Prins Henk 1

 

foto: vastelaovendinvalkeberg.nl