Zaoterdig 14 jannewari zint veer mit eine groate groep aafgereisd nao Houthem óm dao de prinseresepsie van prins Dave en zien charmante prinses Manon bie te wone.
’t Opkómme mit eige meziek bleek al sjnel e geweldig idee  en zeker es’te dan mit eine sjoane groate groep bis.
Helaas móste veer nao drie kwarteer weer weg óm nao de jubileum-zitting ván de Spoetnikkers in Berg te gaon.
Dat waor mien ièrsjte zitting die ich es prins en Sandra es prinses mochte biewone.
Veer vónge ’t ech e geweldig fiès mit väöl leuke artieste.
Dat waore d’r Frans Theunisz, ’t Beppie Kraft, d’r Erwin en neet te vergaete ein prachtige travestieshow die ech lache waor.
Nao ’t oetrope van prins Marcel I en minister Patrick en ’t loupe van väöl polonaizes mooste veer óm 01.00 oer weer richting Sjin.
’t Waor eine geweldige aovend.