Durch alle coronaperikele waere sómmige zake ein bietje óneuverzichtelik. Zo ouch bie ózze President Dave, dea dit jaor 1x11+ jaor president is.

Dave volgde in november 2009 ziene roemruchte veurganger d’r Wiel Winthagen op. November 2009 tot november 2022 zint eigelik 13 jaor. Mèh durch privé umsjtandighede haet hae ei jaor gemis. Dan nog e joar corona, dan kumpste waal op 11 jaor. En zoeagét kinne v’r neet óngemerk veurbie laote gaon!

Dave is väöleisend veur ’t besjtuur. En auch veur de lede. De rae daoveur liegk veur de hand: hae wilt dat de vereiniging zich good presenteert nao boete oet en dat d’r intern eine zo good meugelikke tiemsjpirit heersjt. D’r weurt väöl gekommuniseerd, hièl väöl. Dao haet hae zien vaste sjparringpartners veur die mit helpe alles in gów bane te leide.

Zónder eine President wie d’r Dave, mit zoeaväöl hart veur de zaak en inzét zou de vereiniging e trépke leger funksionere, dat is e dink wat zeker is. Doarum haet ’t besjtuur dan auch unaniem gemeind häöm dit joar te óngersjeie mit de orde van de Lachende Waterrat.