Zaoterdig d’r 5e jannewarie 2013. Proclamasie
Eindelik, nao 8 maonde is ’t zoa wied: zaoterdig 5 jannewarie, ’t oetrope van d’r prins.
Van oet d’r café zunt veer mit d’r vaste groep nao ’t Geboew gelaupe., kieke nao ’t aaftraeje va Prins Frank. ’t Waor al semmelig drök en gezellig.
Toen begós d’r Huub mit de foto’s, bie de ièsjte babyfoto kroop ich ónger ’t dook durch. D’r Ad sjtóng mich dao op te wachte
Nao twiè foto’s zag ich taege d’r Ad: “tot dae Hub nao de pómp löp, ich sjpring durch ’t dook”. Zoa gezag, zoa gedaon.
D’r Hub keek natuurlik raar , meh ja, ich kós neet mie truugk.
In d’r zaal vele d’r e paar van ’t geluif aaf dat ich dao es Henk 1e stjóng.
Wiejer waor ’t eine super aovend dae zoa veurbie vloog en Roos en ich besefde pas in bèd wo veer aan begónne waore.
Jekerein dae dao waor: bedank, ’t waor eine super aovend.

Zóndig d’r 6e jannewarie 2013, resepsie.
Vreug op, nog gans ónger d’r indrök va gisteraovend.
Um 10 oer sjtóng de Prinsewach aan de deur um nao de resepsie te gaon.
De interne resepsie waor nog röstig, mit ein goei toesjpraak van d’r veurzitter dae de jubilarisse op ein geweldig maneer in ’t zunneke zat.
Toen begós de resepsie die mer leefs 7 oere zou gaon doere, dat waor hièl lank.
Meh toch good um te zeen wie väöl luuj va gedörrep ein hand kómme gaeve en dich eine leuke tied toewunsje.
Hièl erg leuk is es gów vrung en kinnese binne kómme.
Ich hauw noeats gedach dat ich de serenades van de fanfaar, de sjötterie en Inter Nos zoa sjoan zou vinge.
Meh ich wil twiè carnavalsvereiniginge droet pikke zónger andere tekort te wille doon. Dat zunt de Winkbülle oet Heële mit hunne Winkbülleballet en d’r jeugraod, die same dansde.
Meh d’r meiste indrök makde de Brander Stiere oet Aoke Brand mit hun indrökwekkende optraeje.
Auch names Prinses Roos wil ich jekerein bedanke veur de leuke en sjpontane reaksies, blome en kadoos.

Alaaf Prins Henk en Prinses Roos.