Sjinse Oud Prinse lanceren nuuje sjlager: Zinge!

Geplaatst op vrijdag 25 februari 2022.

Mit trots presenteren de Sjinse Oud Prinse de clip van oze sjlager van 2022: Zinge!

Tekst en muziek: Wim Steinbusch

Zangcoach: Suzan Hambuckers

Videoclip: Ralph Souren en Roel van Weersch

Couplet 1:
D’ne daag is get grauw, ‘t ziet effe neet mit
Haos nieks miè lök, bleefs ‘t leefs in die bèd
D’ne lach is verdwene, hae sjatert neet miè,
En dan te bedinke doe doochs ‘t veur twiè
Mèh dat geit veurbie, en v’r weite wie
D’r is ’n remedie die wirk ein twiè drie
Bie verdreetjes of pech, nump ze dien zörge weg
Die remedie hèt zinge ... of z’t good deis of sjlèch

Refrein:
Dus kóm ... zing mit ós mit, jónk, oud, groat en klein
Zing ‘n long oet die lief, blaos de luuj van d’r plei
Zing ‘n sjter van d’r hemel mit ’t sjoanste refrein
Want zinge, zinge, zinge, zinge, zinge, zinge, bringk ós biejein

Couplet 2:
Höb ste sóms las van sjtress, vilt die wèrrek dich zjwoar,
Gings ze ’t leefs effe neet nao kentoar
Haet die klubke verlaore, lang nieks gepresteerd
’t is e gelök dat ‘t neet degradeert
Mèh haut pin haut mood, want ‘t kump wir good
Volleg ós mèr, woord veur woord, noot veur noot
Mit ’n sjoan melodie, erm aan erm, zie aan zie
Bring v’r wir laeve in dien broewerie

Refrein

(Geul)Brögk :
Wie da’s te zings dat mak gaar nieks oet, geine kint dat get sjaele
Mèh doog ’t waal in ’t plat estebleef, dat van Sjin, Mestreech, Venlo of Heële

Refrein